JENIS HARATO di Minangkabau

SARATO KEARIFAN DI DALAMNYO

Banyak grup dan diskusi di ruang maya yang menganggap HARATO di Minangkabau cuma HPT dan HPR. Padohal, masih BANYAK JENIS dan BANTUAK nyo. Sebagian besar adolah HARATO KOMUNAL, pemilikan sacaro kolektif, tapi pemanfaatan bisa personal.

Harato di Minangkabau dapek dibagi berdasarkan “kepemilikan” dan berdasarkan “caro mandapek-kan”nyo.

A. Kapamilikan

1. Harato Nagari

2. Harato Adat

3. Harato Kaum

4. Harato Faraid

B. Caro Mandapek

1. Harato Tambilang Ameh

2. Harato Tambilang Basi

3. Harato Tambilang Kayu

4. Harato Tambilang Tunjuak

 

A.1. Harato Nagari: adolah harato kolektif nan disapakati dek niniak muyang nan managak-kan nagari, sabagai milik basamo saluruah anak nagari. Pemanfaatan untuak saluruah masyarakaik, badasarkan kasapakatan.

Ado duo harato nagari: 1. Ulayat Nagari; 2. Paragat Nagari.

Ulayat Nagari: Tanah Ulayat (tanah cadangan), Hutan Ulayat, Hutan Larangan, Banda Larangan.

Paragat Nagari: Musajik, Balai Adat, Labuah, Pasa, Tapian, Baramban, Pakok-an, Banda, Darmaga, Galanggang (tanah lapang, pacuan kudo).

 

A.2. Harato Adat: adolah harato kolektif nan dipagunokan untuak urusan perangkat adat. Pemakaian berdasarkan kesepakatan niniak-mamak dalam nagari, atau niniak mamak dalam kaum.

Harato Adat duo tingkatan: Harato adat nagari, harato adat kaum/suku

Harato Adat Nagari: Kubu, Sawah Paduan, Bonjo, Benteang.

Harato Adat Kaum/Suku: Ulayat Kaum, Surau, Tabek, Pandam/ Pakuburan, Sawah Abuan.

 

A.3. Harato Kaum: Harato dengan hak pakai (hak tanam/tuai) oleh seluruh anggota kaum dengan persetujuan Pangulu. Pusako (HPT): Sasok Jarami (sawah), Ladang, Rumah Gadang, Rangkiang.

 

A.4. Harato Faraid: HPR Harato privat (milik pribadi) pencarian

 

B.1. Harato Tambilang Ameh:

harato (semua jenis harato kalompok A) nan didapek malalui jua-bali.

 

B.2. Harato Tambilang Basi: harato nan didapek malalui malaco/ manaruko.

 

B.3. Harato Tambilang Kayu:

harato nan didapek malalui pamufakatan antar nagari atau antar kaum.

 

B.4. Harato Tambilang Tunjuak: harato nan didapek malalui kekuasaan atau kewenangan kerajaan, atau kekuatan wibawa niniak muyang.

 

Keterangan2:

KUBU

Kubu tu ado duo.Kubu tampek barundiang, kubu tampek batandiang.

Wujudnyo taisuak samacam tanah strategis di ateh atau di pinggang bukik. Ukurannyo indak laweh, sakitar duo puluah dapo persegi.Diuntuak-kan sabagai tampek bertahan dek parik-paga-dalam, katiko mahadapi serangan dari lua nagari.

Biasonyo, sasudah tu jadi milik Pangulu Pangkatuo Kubu (Koto-Piliang), atau Pangulu Andiko (Bodi-Caniago).

 

SAWAH ABUAN /SAWAH PADUAN

Sawah Abuan adolah harato adat kaum. Milik kaum, tapi untuak aleh tapak pangulu. Pambali timbakau. Sawah Abuan biasonyo di-saduokan ka urang lain, indak dikarajokan dek kamanakan doh. Hasianyo (sapaduo) dijapuik dek kamanakan ka nan manyaduoi. Dijadikan pitih pambali timbakau Pangulu. Jadi, pangulu indak mintak2 ka kamanakan doh.

Biasonyo suku2 nan managak-kan Koto jo Nagari mampunyoi Sawah Abuan. Tapi banyak nan lah hanyuik. Manuruik inyiak ambo, paliang banyak Sawah Abuan ko tajua maso Japang.Ado pangulu nan manjua sawah abuannyo sakadar sapiriang kacimuih.Dek suliknyo nan ka dimakan.

Ado pulo Sawah Paduan.

biasonyo di Kalarasan Koto Piliang. Untuak aleh tapak Pangulu Pucuak Bulek, nan mauruih nagari.

 

 

 

Falsafah nan tasimpan adolah:

Adat mamikiakan nasib pangulu malalui Sawah Abuan, sahinggo pangulu “bajalan ba-aleh tapak”. Indak ikhlas beramal see doh.Dengan Sawah Abuan, pangulu mampunyoi “gaji”, sahinggo inyo terhormat dalam manjalankan tugeh.Kalau indak, dari ma nyo dapek pitih pambali timbakau? Tantu pangananyo ka-manjua harato lai.

 

“DEGRADASI KEARIFAN KOMUNAL”

 

Assalamualaikum,

Mamak2 jo Dunsanak sadonyo. Ado sinyalemen menipis/hilangnyo kearifan komunal, dan masyarakat awak manuju masyarakat individualis.

Kasus2:

1. Harato komunal (Ulayat, HPT, harato nagari dll.) lah ba-ansua2 barubah status jo fungsinyo. Status nyo jadi harato privat, fungsi komunalnyo hilang.

2. Sikap/perilaku komunal (Anak ciek, kamanakan satu; kepedulian terhadap masalah bersama, kesediaan babagi, dsb) makin menurun.

Keluarga inti (Istri-suami-anak) menguat, kebersamaan suku/kaum semakin longgar dan melemah. Terutama kalau HPT lah babagi, lah basertifikatkan. Hubungan mamak dengan kemenakan semakin indak bakatantuan.

Salah satu kearifan niniak muyang dalam harato komunal, adolah fungsi nyo dalam keberlanjutan, sustainability cek rang subarang, terhadap identitas nagari, identitas Minangkabau. 

Tanpa harato komunal, kaum/suku kehilangan “ikatan”.Tanpa harato komunal nagari, nagari kehilangan ‘identitas”.

Usul ambo:Paralu disuwaraik-kan:

MORATORIUM, penghentian perubahan status harato komunal di Minangkabau.

  •  
    • Jamil Jaey hal itu memang indak mudah do pak Sutan Mangkudun. manuruik ambo, marubah budaya harus dengan budaya. pendekatannyo mungkin perpaduan antaro struktural dan cultural.

       

    • IonStar Ionn tunggu lah dek inyo hukuman dari anduang2 nan la maningga tu… 

      Di pihak awak ado lo ciek tu mah, kini sadang sakik sakik e dek ulah cangok jo pusako….

       

    • Zul Afmi Akhiruddin Kadang2 memang ada saatnyo yg disebut Harta Komunal ini beralih menjadi Hak Privat. Contoh, ada tanah ulayat yg biasa digarap secara bersama, namun kerana kepentingan umum tanah ulayat ini harus mengalami ganti rugi. Jadi sertifikasi atas nama org perorang menjadi pilihan solusi. Contoh kasus, pembangunan Bandar Udara International Minangkabau telah berakibat ‘privatisasi’ tanah ulayat disekitarnya…

       

    • Tuanku Mangkudun ‎..Memang ada kepentingan lebih besar yang dapat diakomodasi, Sanak Zul Afmi Akhiruddin. Tentu dengan semangat “kepentingan komunal yang lebih besar”, termasuk kepentingan negara.Yang jadi masalah, ketika satu demi satu harta komunal bera…Lihat Selengkapnya

       

    • Zul Afmi Akhiruddin Betul Kanda Tuanku Mangkudun. Contoh diatas adalah satu kasus khusus demi kepentingan yg lbh besar. Tanah ulayat nenek ambo (Ulakan Tapakih, perbatasan Kataping) cukup luas telah disertifikasi ke hak privat.

       

    • Tuanku Mangkudun ‎..Nan paralu jadi perhatian bana, Sanak Zul Afmi Akhiruddin, adolah perkembangan sosial ekonomi masyarakat asli di daerah investasi.Jan sampai mereka jadi “penonton” dalam hingar bingarnyo “kemajuan”. Di siko sabana nyo peran dan perhatian elite terhadap kehidupan komunal di wilayah investasi.

       

    • Zul Afmi Akhiruddin Mestinyo begitu Kanda Tuanku Mangkudun… Tapi setahu ambo dulu itu, ambo perhatikan org2 yg diberi sertifikat itu kalo alah mancaliak pitih sakabek, mato langsung ijau dan lupo bapikie ka mungko hehehehe

       

    • Tuanku Mangkudun ‎..HeheheItu nan jadi pinyakik.Kalau lah hijau mato tu, lah kalam pancaliak-an.Ndak takana nan ka tibo lai.

       

    • Tuanku Mangkudun ‎..Ambo penelitian di sapanjang jalan By Pass Padang, salamo 3 tahun. Memang itu nan tajadi.Pitih ko sabana bakuaso.Pacah kaum, kamanakan malawan, mamak lah lupo diri.

       

    • Zul Afmi Akhiruddin Betul Kanda Tuanku Mangkudun. Kebanyakan yg mambali dulu itu saudara kito cino dari kota padang…

       

    • Syahdiar Dt Tunaro 

      Ndak cuma itu sajo doh Tuanku Mangkudun, tumbuah di baralek kawin…di kota-kota lah banyak nan bakurangi pulo, sahinggo alek bisa dikarajokan sahari sudah. sarupo: bakato-kato atau baundi, mancari urang nan patuik kadijadikan junjuangan dek kamanakan, dipanggie urang sumando sadonyo sarato jo bakonyo bagai, dek mamak maharagoi urang sumandonyo. sudahtu dipanggie pulo mamak kasadonyo, dek urang sumando maharagoi mamak rumah, dipulangkannyo kamamak nan kamanimbang mangacak sarato alue jo patuik….Lah dapek…..Basugirolah bapak duo urang pai mananyoi karumah calon marapulai…..lah dapek kato sapakaik….mako amai-amai lah basiap-siap pulo kamangarajokan acara batimbang tando dst…….banyak pakarajaan nan harus dikarajokan sacaro basamo-samo nan mambuek awak saling ketergantungan

       

    • Yunzar Lubis 

      Sejatinya, semua persoalan tidak terlepas dari “sikap hati”. Apakah dalam diri kita masih melekat “sikap hati” sebagai orang Minangkabau, akan mempengaruhi keputusan kita apakah masih dijiwai keminangkabauan atau tidak. Baik sahwat “privatisai” HPT ataupun sahwat-sahwat lainnya yang mengabaikan keminangkabauan. Kunci pembangunan kekuatan “behteng hati” itu, saya pastikan didominasi oleh pendidikan dalam arti luas. Maka titik awal masalah dan yang akan mengakhiri masalah adalah “pendidikan keminangkabauan”.

       

    • Anizon Makmoer 

      Sinyalemen yang disimpulkan dek Tuanku Mangkudun, benar adanya….Dari tangapan dunsanak..dapek pulo kita simpulkan,…isabab2 dari luar jo sabab2 dari dalam…satu samo lain saliang berkaitan nampak nyo…kalau indak namuah awakkahilangan identitas…kadalam awak harus satu pandangan dulu…manuruik ambo pangaratian adaik di keluarga inti harus mantap dulu..panglimo jo kapalo staff harus satu pandangan….ayah sebagai mamak dikeluarga nyo, ibuk sebagai bundokanduang di keluarga inti…harus pahami pulo…iko adolah dasar dari degradasi fungsi mamak..didalam adaik Mk….sekedar pandapek awal,wassalam

       

    • Haznel Syukur Manuruik ambo degradasi ko masalah eksternnyo mengembalikan hak ulayat dengan revisi undang undang pertanahan dalam hal ini BPPN khusus untulk tanah Ulayat

       

    • Anizon Makmoer AssWrWb, Pak Haznel, marubah undang2 ko, awak harus manang pemilu dulu Pak,….

       

    • Anizon Makmoer Antah ko lai namuah Pak Irman Gusman..mangarehan di SEnayan…hehe

       

    • Anizon Makmoer Keabanyakan tanah Ulayat dikampuang awak indak produktif…nan punyo…banyak nan…lah diambiak urang baru maraso..itu punyo den…Sedangkan Undang2..tu dasar nyo Itu..bana……baa aka lai….hehe

       

    • Anizon Makmoer Kalau nak jaleh bana..Tanyoan ka Pak Hasan Basri Durin…..

       

    • SuhArmen Kini Bakurangnyo harato komunal HPT ko adolah indikasi makin malamahnyo kapamimpinan (kolektif) laki-laki di Minangkabau. Bukti samantaro, umpamo alah indak ado laki-laki Minang kiniko nan bapikia “kaum”, rato-rato bapikia “paruik” . Di sikolah fungsi “surau” nan kito anggap alah indak penting tu…

       

    • Tuanku Mangkudun ‎..Babarapo poin nan ambo agiah garih bawah:Jamil Jaey: marubah budaya harus dengan budaya. pendekatannyo mungkin perpaduan antaro struktural dan cultural.Zul Afmi Akhiruddin: org2 yg diberi sertifikat itu kalo alah mancaliak pitih sakabek, lupo bapikie ka mungko,Syahdiar Dt Tunaro: tumbuah di baralek kawin…di kota-kota lah banyak nan bakurangi pulo, sahinggo alek bisa dikarajokan sahari sudah.Yunzar Lubis: persoalan tidak terlepas dari “sikap hati” sebagai orang Minangkabau, Kunci pembangunan kekuatan “benteng hati” itu, adalah “pendidikan keminangkabauan”.Anizon Makmoer: * sabab2 dari luar jo sabab2 dari dalam* pangaratian adaik di keluarga inti harus mantap dulu..* ayah sebagai mamak dikeluarga nyo, ibuk sebagai bundokanduang di keluarga inti…harus pahami pulo…iko adolah dasar dari degradasi fungsi mamak.* Kebanyakan tanah Ulayat indak produktif….lah diambiak urang baru maraso.Haznel Syukur: masalah eksternnyo mengembalikan hak ulayat dengan revisi UU Pertanahan dalam hal ini BPPN khusus untuk Tanah Ulayat,SuhArmen Kini: * Indikasi makin malamahnyo kapamimpinan (kolektif) laki-laki di Minangkabau. Alah indak ado laki-laki Minang kiniko nan bapikia “kaum”, rato-rato bapikia “paruik” . * Di sikolah fungsi “surau” nan kito anggap alah indak penting tu…

       

    • Anizon Makmoer 

    • ‎….Pendataan tanah dengan prona adalah program pemerintah….,pengalihan fungsi tanah ulayat…nan menjadi keperluan umum…adalah suatu tu keharusan warga negara.kompensasi nya sebaik nya tanah lagi……tanah ulayat yg tidak produktif…memang agak dilemma….(ketidak berdayaan)….salusinya…karena lah kambang dibagi peruntukan..antar kaum…< tidak semua yg berhak peruntukan tidak dikampung (merantau)…..ini menjadi kendala lagi…..tidak semua juga tanah ulayat bernnilai ekonomis..(terutama di kampuang)…..luas nya tidak memadai..kalau ditawarkan kepada investor…..kalau digabuang2…,kesepakatan sulit diperoleh….ini sebahagian kendala nampak nya….silakan ditambahkan yang lainnya….Wass

About these ads

Berikan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s